İtaliyada güclü daşqın: 10 ölü
04.11.2018
İtaliyanın Palermo şəhərində (Siciliya vilayəti) güclü leysan yağışlarının yaratdığı daşqınlar nəticəsində üçü uşaq olmaqla, azı 10 nəfər həyatını itirib.
"Dövran Media" xəbər verir ki, ölən 10 nəfərdən 9-u bir ailənin üzvüdür. Onların meyitləri Kasteldaçça çayı sahilində yerləşən evdə aşkar edilib. Polis əməkdaşları itkin düşmüş daha 2 nəfərin axtarışlarını davam etdirir.
Qeyd edək ki, bir neçə gün öncə İtaliyanın bəzi bölgələrində baş verən güclü fırtına səbəbindən 11 nəfər həlak olmuşdu.
