Aİ liderləri Türkiyədəki zəlzələ ilə bağlı donorlar konfransına qatılacaq
22.02.2023
Avropa İttifaqı və İsveçin dövr sədrliyi Türkiyədə baş verən zəlzələ ilə bağlı donorlar konfransı keçirəcək.
"DM"-nın xəbərinə görə, bu barədə Türkiyəyə səfəri çərçivəsində İsveç xarici ticarət naziri Yohan Forssell bildirib.
O qeyd edib ki, konfransda Aİ-yə üzv olan dövlətlərin ən yüksək səviyyədə təmsil edilməsi gözlənilir. Forsellin sözlərinə görə, bu konfrans vasitəsi ilə Türkiyəyə zəlzələnin fəsadlarını aradan qaldırmaq üçün ciddi dəstəyin sərgilənməsi mümkün olacaq.
Nazir əlavə edib ki, konfransın və ayrılacaq yardımın yol xəritəsinin detalları yaxın günlərdə bəlli olacaq.
