Naxçıvanda konfrans keçirilir
21.02.2023
Azərbaycanın aparıcı vətəndaş cəmiyyəti təşkilatlarının rəhbərləri Naxçıvana gediblər.
"DM" xəbər verir ki, səfərdə həmkarlar ittifaqlarını, qeyri-hökumət təşkilatlarını, media qurumlarını, ağsaqqallar və veteranlar təşkilatlarını təmsil edən 250 nəfər iştirak edir.
Məqsəd ümummilli lider Heydər Əliyevin anadan olmasının 100 illiyi ilə əlaqədar keçirilən konfransda iştirak etməkdir.
Səfər ulu öndərin abidəsini ziyarətlə başlayıb. Sonra qonaqlar Heydər Əliyev Muzeyi ilə tanış olublar. Muzeydə nümayəndə heyətinə ümummilli liderin zəngin həyat yolu və fəaliyyəti barədə geniş məlumat verilib.
Daha sonra Heydər Əliyev Sarayında "Heydər Əliyev və vətəndaş cəmiyyəti quruculuğu” mövzusunda konfrans işə başlayıb.
Konfransdan sonra qonaqlar "Duzdağ” Fizioterapiya Mərkəzi ilə tanış olacaqlar.
