Kəşfiyyat Xidməti: Ukraynada Rusiyanın təxminən 40-60 min hərbçisi həlak olub
17.02.2023
Ukraynanın işğalı başlayandan Rusiya Müdafiə Nazirliyinin (MN) və özəl hərbi podratçıların döyüşlərə cəlb etdiyi 175-200 000 döyüşçü yaralanıb və ya həlak olub.
"DM" xəbər verir ki, Böyük Britaniya MN-nin Kəşfiyyat Xidmətinin məlumatında belə qeyd edilib. Bildirilib ki, müharibə başlayandan Rusiyanın təxminən 40-60 min hərbçisinin həlak olduğu ehtimal edilir.
Vurğulanıb ki, Rusiyanın itkilərinin sayı 2022-ci ilin sentyabrında qismən səfərbərliyin elan edilməsindən sonra nəzərəçarpan dərəcədə artıb
"Müasir standartlara görə yaralananlara nisbətdə həlak olanların sayı olduqca yüksəkdir”, - bildirilib.
Rusiyanın itkilərinin əsas səbəbinin artilleriya zərbələri olduğu bildirilib.
Məlumatda Vaqner özəl hərbi şirkətin məhkumlardan ibarət çox sayda rekrutunun münaqişə bölgəsinə cəlb edildiyi və onların təxminən 50 faizədək itki verdiyi bildirilib.