Miçotakis: Türk və yunan xalqları mehribandır
13.02.2023
Türkiyə ilə fikir ayrılıqlarımız olsa belə, türk və yunan xalqları mehribandır.
"DM" xəbər verir ki, bunu Yunanıstanın Baş naziri Kiriakos Miçotakis deyib.
Miçotakis Yunanıstandan Türkiyəyə gələn xilasedicilərin işini yüksək qiymətləndirib:
"Bu insanlar alqışa layiqdir. Onlar sübut etdilər ki, xalqlarımızı heç nə ayırmır. Biz Türkiyə ilə dostluq şəraitində yaşaya bilərik. Bizim çətin anlarda münasibətlərimiz daha dərindir. Əsl dostları çətin anlarda görmək olar. Görünməmiş bir fəlakətdən bəhs edirik, ən azı iki xalq arasındakı münasibətlər baxımından yaxşı bir şey ortaya çıxmalıdır”.
