Çavuşoğlu: “Təkcə Qaziantepdə 30 min ailə çadır şəhərciklərində qalır”
09.02.2023
"Qaziantepdəki zəlzələdən zərər çəkən sakinlər və onlara yardım edən dəstələr üçün çadır şəhərcikləri qurulur”.
Bunu Türkiyə xarici işlər naziri Mövlud Çavuşoğlu deyib.
Türkiyə XİN başçısı bildirib ki, hazırda 30 min ailə müvəqqəti sığınacaq vasitəsi kimi çadır şəhərciklərinə yerləşdirilib.
"İndi ən çox çadıra ehtiyacımız var”, - türkiyəli diplomat bildirib.
Mövlud Çavuşoğlu həmçinin əlavə edib ki, əhalinin xilas edilməsi işinə cəlb olunan qrupların yerləşməsi üçün salınan konteynerlərin sayı 15 minə çatdırılacaq.
Mənbə: Turkiyegazetesi
