Avstriya dörd rus diplomatını ölkədən çıxarır
02.02.2023
Avstriya respublikada akkreditə olunmuş dörd rusiyalı diplomatı persona non qrata elan edib.
"DM" xəbər verir ki, bu barədə Avstriya Xarici İşlər Nazirliyinin Tvitter səhifəsində dərc olunmuş məlumatda deyilir.
"Rusiya səfirliyinin iki diplomatı diplomatik statusları ilə bir araya sığmayan hərəkətlər edib. Ona görə də onlar Diplomatik Münasibətlər haqqında Vyana Konvensiyasının 9-cu maddəsinə uyğun olaraq arzuolunmaz şəxs elan ediliblər. Rusiyanın BMT yanında Daimi Nümayəndəliyinin iki diplomatı isə Baş Qərargah Müqaviləsinə uyğun olmayan hərəkətlər edib. Bununla əlaqədar olaraq onlardan Avstriya Respublikası ərazisini tərk etmələri də tələb olunub”, - nazirliyin açıqlamasında bildirilir.
Diplomatların ölkədən çıxması üçün 8 fevrala qədər vaxt verilib.
