Ukrayna Prezident Ofisindən kadr dəyişikliklərinə REAKSİYA
24.01.2023
Ukrayna Prezident Ofisinin müşaviri Mixail Podolyak ölkə Prezidenti Volodimir Zelenskinin kadr dəyişikliyi ilə bağlı məsələyə münasibət bildirib.
Bu barədə o, özünün "Twitter” hesabında yazıb:
"Zelenskinin kadr qərarları dövlətin əsas prioritetlərindən xəbər verir... Müharibə zamanı hər kəs öz məsuliyyətini dərk etməlidir. Prezident cəmiyyəti görür və eşidir. Və o, birbaşa əsas ictimai tələbə cavab verir - hamı üçün ədalət...”.
Qeyd edək ki, bu gün Ukrayna müdafiə nazirinin maddi-texniki təminat üzrə müavini Vyaçeslav Şapovalov, Ukrayna Baş prokurorun müavini Aleksey Simonenko və Ukrayna Prezident Ofisi rəhbərinin müavini Kirill Timoşenko vəzifələrindən azad ediliblər.
