Zelenski Arestoviçin istefasını qəbul edib
17.01.2023
Ukrayna Prezidenti Vladimir Zelenski Prezident Ofisinin müşaviri Aleksey Arestoviçin istefasını qəbul edib.
Bu barədə V.Zelenskinin mətbuat xidmətindən bildirilib.
Xatırladaq ki, yanvarın 15-də axşam A.Arestoviç "Feigin Live” yutub kanalının efirində Dneprdə yaşayış binasının bir hissəsini dağıdan raketin Ukrayna hava hücumundan müdafiə qüvvələri tərəfindən vurulduğunu və nəticədə çoxmərtəbəli binanın üzərinə düşərək partladığını bildirmişdi.
Rusiya onun bu səhv açıqlamasından Ukraynaya qarşı istifadə edib. Rusiya Prezidenti Vladimir Putinin mətbuat katibi Dmitri Peskov da Dneprdəki vəziyyəti şərh edərkən A.Aretoviçin sözlərindən sitat gətirib.
Ukrayna Silahlı Qüvvələrinin Hərbi Hava Qüvvələrinin komandanlığı A.Arestoviçin sözlərini tez bir zamanda təkzib edərək bildirib ki, Rusiyanın atdığı "X-22” raketlərini vurmaq üçün Ukrayna hərbçilərinin vasitələri yoxdur.
