Almaniya Ukraynaya yeni hərbi yardım göndərəcək
17.01.2023
Almaniya Ukraynaya yeni hərbi yardım göndərəcək.
"DM" xəbər verir ki, bunu Kiyev şəhərinin meri Vitaliy Kliçko "Telegram”da yazıb.
O bildirib ki, bu gün Davos iqtisadi forumu çərçivəsində Almaniya vitse-kansleri və iqtisadiyyat naziri Robert Xabeklə görüşüb.
"Ukraynaya gələcək yardımlar və ən əsas da silahların verilməsi barədə danışdıq. Almaniya yeni silahların Ukraynaya göndərilməsi ilə bağlı qərar qəbul edib. Tezliklə yaxşı xəbərlər olacaq”, - Kliçko qeyd edib.
Xatırladaq ki, KİV-in verdiyi məlumata əsasən, Almaniya Ukraynaya "Leopard” döyüş tanklarının verilməsi məsələsini nəzərdən keçirir.
