Çində əhali sayı son 60 ildə rekord həddə azalıb
17.01.2023
Çinin əhalisi 2022-ci ildə ötən illə müqayisədə 850 min nəfər azalıb, bu, son 60 ildə ilk belə azalmadır.
Bu barədə Çin Milli Statistika Bürosunun hesabatında qeyd edilir.
Bildirilir ki, 2022-ci ilin sonuna əhalinin sayı 1 411 750 000 nəfər olub ki, bu da 2021-ci ilin sonundakı göstəricidən 850 min nəfər azdır. Son bir il ərzində ölkədə 9,56 milyon uşaq doğulub, 10,41 milyon insan dünyasını dəyişib.
Çin əhalisi sonuncu dəfə 1960-cı illərdə azalıb.
Hazırda rəsmi rəqəmlərə görə, ölkədə 722 milyon kişi və 689,7 milyon qadın yaşayır. Beləliklə, hər 100 qadına 104 kişi düşür.
Statistika eyni zamanda urbanizasiya səviyyəsinin artdığını göstərir.
Mənbə: China News
