Binəqədidəki partlayışda həlak olan polis əməkdaşı dəfn edilib - FOTO
03.01.2023
Bakının Binəqədi rayonunda Cavadxan küçəsində baş verən partlayışda həlak olan polis əməkdaşı Məhəmməd Babayev dəfn edilib.
"DM" xəbər verir ki, M.Babayev Qubanın İkinci Nügədi kəndində torpağa tapşırılıb.
Qeyd edək ki, yanvarın 2-si saat 16 radələrində Cavadxan küçəsində yerləşən çoxmərtəbəli yaşayış binasında partlayış baş verib.
Məlumata əsasən, onsəkkizmərtəbəli yaşayış binasının onsəkkizinci mərtəbəsində yerləşən vətəndaşa məxsus mənzildə, ilkin ehtimala əsasən, məişət qazının sızması nəticəsində yanğınla müşahidə olunmayan partlayış baş verib.
Hadisə nəticədə 2 nəfər xəsarət alıb, mənzilə ciddi ziyan dəyib.
Bildirək ki, hadisə nəticəsində dünyasını dəyişən M.Babayev yeni ailə həyatı qurubmuş.
