Bayden 2023-cü il üçün 1,7 trilyon dollarlıq büdcə imzalayıb
30.12.2022
ABŞ Prezidenti Co Bayden oktyabrda başlayan 2023-cü maliyyə ili üçün 1,7 trilyon dollarlıq büdcə layihəsini imzalayıb.
Bu barədə Ağ Evin mətbuat xidməti məlumat yayıb.
Bildirilir ki, müdafiə ehtiyaclarına 858 milyard dollar ayrılacaq, Ukrayna və NATO müttəfiqləri, sənədə əsasən, təxminən 45 milyard dollarlıq təcili yardım alacaqlar.
O da vurğulanır ki, Bayden qanun layihəsini Karib dənizi və Atlantik okeanının sərhədində Virgin adalarında olarkən imzalayıb.
Ağ Ev rəhbərinin özü də qanun layihəsini imzalaması ilə bağlı paylaşım edib.
