Nazir müavini qanunsuz sərnişindaşımadan danışıb
09.12.2022
Qanunsuz sərnişindaşıma Bakı ilə yanaşı rayonlarda da var.
"DM" xəbər verir ki, bunu rəqəmsal inkişaf və nəqliyyat nazirinin müavini Rəhman Hümmətov deyib.
Nazir müavini bildirib ki, bunun kökündə icazə, tənzimlənmə sisteminin olmaması dayanır:
"Ən əsas məsələ taksi sürücülərinin fərqlənmə nişanını əldə etməmələridir. Təəssüf ki, onların cüzi bir hissəsi bu nişanı alıb. Bakıda sərnişindaşıma ilə məşğul olan taksilərin təxminən 20 faizi xüsusi lisenziyaya malikdir”.
O qeyd edib ki, hazırda taksi fəaliyyəti göstərən nəqliyyat vasitələrinin də çoxu standartlara cavab vermir:
"Hər bir ölkədə icazə tələb olunur. Bu fəaliyyətlə məşğul olması üçün tələblər və qaydalar müəyyənləşir. Bir ildən artıqdır bu məsələlərlə bağlı müzakirələr gedir. Bununla bağlı yaxın vaxtda layihə təqdim edəcəyik”.
