NATO qüvvələri hərbi təlimlərə başlayıb
16.10.2018
Türkiyənin ev sahibliyi ilə İzmir körfəzində NATO ölkələrinin hərbi hava və dəniz qüvvələrinin hərbi təlimləri başlanıb.
"Nüsrət-2018” adlı təlimlər barədə Alsancaq limanında lövbər salan "TCG Bayraktar” gəmisinin göyərtəsində brifinq keçirilib. Təlimlərə 1915-ci ildə Çanaqqala boğazına 26 mina buraxmaqla Birinci Dünya müharibəsinin vəziyyətini dəyişən "Nüsrət” hərbi gəmisinin adı verilib. Bildirilir ki, "Nüsrət-2018” təlimləri oktyabrın 26-na kimi davam edəcək.
Təlimlərə minadaşıyan, polis-patrul, həmçinin sahil mühafizə gəmiləri, helikopterlər və pilotsuz aparatlar cəlb olunub.
