Türkiyədə Əhməd Cavadla bağlı kitab nəşr olunub
24.10.2022
Türkiyənin Dənizli şəhərində yeni fəaliyyətə başlayan "Yaşıl Kayın Yayınları” mətbəəsi Azərbaycanın istiqlal şairi Əhməd Cavad haqqında kitab nəşr edib.
Mətbəənin rəhbəri Səməd Öndərin verdiyi məlumata görə, kitab mətbəənin ilk nəşridir.
"Oyan” adlı kitabda mərhum şairin şeirləri Anadolu türkcəsinə çevrilərək dərc olunub.
Kitab Səməd Öndər və Məleykə Karateke tərəfindən hazırlanıb. Səməd Öndərin sözlərinə görə, kitab artıq bütün kitab mağazalarında satışda var. Eyni zamanda kitabı internet üzərindən də sifariş etmək mümkündür.
Xatırladaq ki, Türkiyədə iki dəfədir Əhməd Cavadla bağlı belə bir kitab dərc edilir.
