Konsul: Narahar olmayın, erməni xalqı üçün burdayıq
21.10.2022
Qafan sakinlərinə məsləhətim odur ki, narahat olmasınlar. Biz erməni xalqı üçün burdayıq.
"DM" xəbər verir ki, bunu erməni mətbuatına açıqlamasında İranın Qafandakı baş konsulu Mürtəza Abidin Varamin deyib.
"Biz Ermənistanda sülh elçiləriyik və onu sabit ölkə kimi görmək istəyirik. İranın yüksək səviyyəli şəxslərinin qeyd etdiyi kimi, biz regionda hər hansı sərhəd dəyişikliyini qəbul edə bilmərik.
Mən erməniləri İran erməniləri kimi təsəvvür edirəm. Onlar ölkəniz və Qafan sakinləri kimi çox mədəni və dostcanlı insanlardır”, - konsul bildirib.
Qeyd edək ki, İranın Qafandakı konsulluq binasının açılışı bu gün baş tutub.
