Rusiya Xersondan əhalini köçürür
.jpg)
13.10.2022
Ruslar Xerson şəhərində döyüşlərin olacağını gözləyirlər. Ona görə də şəhərin bəzi mülki əhalisinin təxliyəsi üçün hazırlığa başlayıblar.
"DM" xəbər verir ki, bu barədə Britaniya Müdafiə Nazirliyi məlumat yayıb.
"Oktyabrın əvvəlində Xersondan şimala 20 km-ə yaxın məsafədə geri çəkilən rus qoşunları Milovo kəndinin qərbində yeni cəbhə xəttini gücləndirməyə çalışırlar. Bu cəbhə xəttindəki rus qoşunlarının əksəriyyəti Hava Desant Qüvvələrinin az sayda bölmələridir. Son günlər Rusiyanın hakimiyyət orqanları Xersondan bəzi mülki əhalinin təxliyəsinə hazırlaşmaq barədə əmr verib. Çox güman ki, onlar döyüşlərin Xerson şəhərinin özünə də yayılacağını gözləyirlər”, - məlumatda deyilir.
Qeyd edək ki, bir neçə gün əvvəl Xersondakı universitetlərdə Rusiya ilə əməkdaşlıq edən müəllimlərin Krıma köçürülməsi tövsiyə olunduğu haqda məlumat yayılmışdı
