“Türkiyə Azərbaycan qazının Şərqi Avropaya çatdırılmasına kömək edir”
03.10.2022
Türkiyə enerji məsələsində əziyyət çəkən ölkə deyil.
"DM"-nın verdiyi xəbərə görə, bu barədə Türkiyə xarici işlər naziri Mövlud Çavuşoğlu Liviyaya səfəri çərçivəsində mətbuat konfransı zamanı deyib.
O qeyd edib ki, ölkəsi elektrik enerjisi və Azərbaycan qazının Şərqi Avropaya çatdırılmasına yardım etməyə çalışır: "Həm elektrik enerjisinin, həm də Azərbaycan təbii qazının bu ölkələrə tədarükü məsələsində kömək edirik”.
Çavuşoğlu əlavə edib ki, Türkiyə və Liviya arasında bu gün imzalanan anlaşmalar "qazan-qazan” prinsipinə əsaslanır və üçüncü ölkələrin bu məsələyə aidiyyatı yoxdur və həmin ölkələr Liviyanın müstəqil bir ölkə olduğunu bilməlidirlər.