Dövlət Agentliyinə yeni Aparat rəhbəri təyin olunub
30.09.2022
Əqli Mülkiyyət Agentliyinin strukturunda yeni kadr təyinatları olub.
"DM”-nın əldə etdiyi məlumata görə, Natiq İsayev dövlət qulluğunda çalışmanın son yaş həddinə çatdığına görə Agentliyin Aparat rəhbəri vəzifəsindən könüllü pensiyaya çıxıb və onun yerinə Xudayət Həsənli təyin olunub.
X.Həsənli daha əvvəl Agentliyin tabeliyində olan Patent və Əmtəə Nişanlarının Ekspertizası Mərkəzinin direktoru vəzifəsində çalışıb. Hazırda həmin mərkəzin direktoru vəzifəsini müvəqqəti olaraq direktor müavini Anar Hüseynov icra edir.
Bundan əlavə, Agentliyin Əqli mülkiyyətin təhlili və siyasəti şöbəsinin müdiri Rüstəm Ağayev də dövlət qulluğunda çalışmanın son yaş həddinə çatdığına görə könüllü pensiyaya çıxıb.
Onun yerinə Rəcəf Orucov təyin olunub.
