Şamaxı Astrofizika Rəsədxanası NASA ilə əməkdaşlıq edir
10.10.2018
ABŞ-ın Milli Aeronavtika və Kosmos Agentliyi (NASA) Günəş sisteminin öyrənilməsi üçün Azərbaycan Milli Elmlər Akademiyasının (AMEA) N.Tusi adına Şamaxı Astrofizika Rəsədxanası (ŞAR) ilə mütəmadi əməkdaşlıq edir.
AMEA-dan bildirilib ki, NASA-nın Günəş-Yer Fizikası departamentinin rəhbəri Nat Qopalsvami Azərbaycanın son illərdə kosmik ölkələr cərgəsinə uğurla daxil olduğunu və qurumun konfrans, seminarlarında fəal iştirak etdiyini vurğulayıb.
Azərbaycanın kosmik hava beynəlxalq təşəbbüsünə 2005-ci ildə qoşulduğunu xatırladan N.Qopalsvami ŞAR-ın NASA-nın məlumat əldə etdiyi 80 astronomiya kompleksindən biri olduğunu vurğulayıb.
