NASA Marsın yeni görüntülərini yayıb - Foto
20.09.2022
Marsın "Ceyms Veb” teleskopu ilə çəkilmiş ilk foto və spektrləri yayımlanıb.
"DM" xəbər verir ki, görüntülər NASA-nın saytında dərc olunub.
Alimlərin sözlərinə görə, Marsın yeni istilik xəritəsində qütblər və şimal yarımkürəsində soyuq bölgələr görünür. Şəkildə həmin bölgələr bənövşəyi və qırmızı rənglərlə göstərilib. Narıncı və sarı isə daha isti bölgələri təmsil edir. Sol yarıda Günəşin demək olar ki, öz zenitində olduğu böyük bir sarı hissə var. Sarı rəngin içərisindəki narıncı ləkə Hellas hövzəsidir, atmosfer təsirlərinə görə daha tünd rəngdədir.
