Müəllimlərdən pul tələb etdiyi iddia olunan direktor işdən ÇIXARILIB - FOTO
20.09.2022
Sumqayıt şəhər 32 saylı tam orta məktəbin direktoru işdən çıxarılıb.
"DM"-nın məlumatına görə, direktor Esmira İbrahimova ilə bağlanmış əmək müqaviləsinə xitam verilib.
Qeyd edək ki, ötən gün Sumqayıt şəhər 32 saylı tam orta məktəbin direktorunun müəllimlərdən pul tələb etməsi ilə bağlı səs yazısı yayılıb.
Belə ki, direktor sentyabrın 14-də müəllimlər üçün yaratdığı "WhatsApp” qrupuna səs ataraq, hər müəllimdən 50 manat tələb edib.
