Donetskdə yanmış cəsədlər tapılıb: Azərbaycanlı ailəyə aid olduğu ehtimal edilir - VİDEO
13.09.2022
Ukraynada müharibə davam edir.
Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.
O bildirib ki, İzyum şəhərinin bütün qəsəbə və kəndləri işğaldan azad olunub. Lakin Xarkov vilayətinin işğaldan tam azad olunub-olunmaması ilə bağlı məlumat yoxdur.
Qeyd edilib ki, Kiyev vilayətinin Belarusla sərhəd rayon və qəsəbələrində, eləcə də Poltava və Xarkov vilayətində elektrik enerjisində uzunmüddətli fasilələr yaranıb.
"Donetsk vilayətinin Svetoqorsk rayonunda, işğaldan azad edilmiş qəsəbələrin meşəlik ərazilərində yanmış cəsədlər tapılıb. Onlardan bir neçəsinin bir ay əvvəl itkin düşmüş iki azərbaycanlı ailənin üzvlərinə aid olduğu ehtimal edilir”, - deyə əlavə edilib.
