Şabranda 10 hektardan artıq ərazini yandıran şəxs SAXLANILIB
05.09.2022
Şabranda 10 hektardan artıq ərazini yandıran şəxs saxlanılıb.
Bu barədə Daxili İşlər Nazirliyinin Mətbuat Xidmətinin Quba regional qrupundan məlumat verilib.
Belə ki, Şabran Rayon Polis Şöbəsinə müraciət edən Dövlət Yanğından Mühafizə Hissəsinin dispetçeri rayon ərazisində 10 hektardan artıq quru otlaq sahənin və kol-kos ərazinin yandırılması barədə məlumat verib.
Hadisə yerinə cəlb edilən polis əməkdaşları yanğını törədən şəxsin rayon sakini Rizvan Cəfərov olduğunu müəyyən ediblər. Həmin şəxs ifadəsində hadisəni ehtiyatsızlıqdan və məsuliyyətsizlikdən törətdiyini bildirib
Yanğın zamanı xəsarət alan olmayıb.
Faktla bağlı Şabran RPŞ-də araşdırma aparılır.
