Bakıda beş yaşlı uşaq onuncu mərtəbədən yıxılaraq ölüb
02.09.2022
Bakının Qaradağ rayonunda yerləşən "Qobu Park-2” yaşayış kompleksində beş yaşlı uşaq onuncu mərtəbədən yıxılaraq ölüb.
"DM"-nın məlumatına görə, hadisə gecə saat 2-3 radələrində baş verib.
Məlumata əsasən, azyaşlının valideynləri boşanıblar. Uşaq anası ilə tək yaşayırmış. Onların kirayədə yaşadıqları bildirilir. Ana hadisə yerinə gələn polislərə marketə getdiyini, qayıdanda isə uşağı evdə görmədiyini deyib. Bir qədər sonra isə uşağın atası da hadisə yerinə gəlib.
Faktla bağlı araşdırma aparılır.
