Sahdan bal SATILACAQ
04.10.2018
Sabah start götürəcək yarmarkada 150 ton bal satışa çıxarılacaq.
Sabahdan başlayaraq, oktyabrın 28-dək Bakıda Arıçılıq Məhsullarının 19-cu Respublika Sərgi-Satış Yarmarkası keçiriləcək.Bu barədə Kənd Təsərrüfatı Nazirliyinin Baytarlıq şöbəsinin müdiri Asəf Ömərov məlumat verıb.
Onun sözlərinə görə, yarmarkaya respublika üzrə 371 sahibkardan 150 ton süzmə bal daxil olub: "Bundan 5 ton çərçivə halındadır. Daha çox arı məhsulları Astara və Aran iqtisadi rayonlarından daxil olub".
Şöbə müdiri vurğulayıb ki, Azərbaycanda 271.682 arı ailəsi var: "Hər arı ailəsindən illik məhsuldarlıq orta hesabla 10 kq, illik respublika üzrə bal istehsalı 3.000 ton, bal istehlakı 5.000 tondur. Ən çox arı ailəsi Zaqatala (1.7097), Astara (12.429), Qax (9.125), Lerik (8.669) və Balakəndədir (8.581)".
A.Ömərov qeyd edib ki, Kənd Təsərrüfatı Nazirliyi hər il yarmarkanın təşkilati və məhsulların keyfiyyəti məsələləri üçün cavabdehlik daşıyırdı.
Bu il isə nazirlik yarmarkanın yalnız təşkilati məsələlərinə görə cavabdehlik daşıyır.
