ABŞ və Tayvan yeni ticarət təşəbbüsü ilə bağlı rəsmi danışıqlara başlayacaqlar
18.08.2022
Çinlə gərginliyin yüksək olduğu bir vaxtda ABŞ hökuməti Pekinlə suverenlik münaqişəsində olan Tayvanla yeni ticarət təşəbbüsü çərçivəsində rəsmi danışıqlara başlayacağını açıqlayıb.
Birləşmiş Ştatlar və Tayvan "21-ci Əsr Ticarəti üzrə ABŞ-Tayvan Təşəbbüsü” çərçivəsində danışıqlara dair razılığa gəliblər.
Danışıqların birinci raundunun bu ilin payızının əvvəlində baş tutacağı gözlənilir.
"Biz yüksək standartlı öhdəliklər və mənalı nəticələr əldə etmək üçün 21-ci əsrin daha ədalətli, daha firavan və dayanıqlı iqtisadiyyatının qurulmasına kömək edəcək danışıqlarda 11 ticarət sahəsini əhatə edən iddialı bir proqram həyata keçirməyi planlaşdırırıq”, - deyə ABŞ Ticarət Nümayəndəsinin müavini Sara Biançi açıqlamasında bildirib.
İyunun 1-də ABŞ və Tayvan iqtisadi və ticarət əlaqələrini gücləndirmək üçün yeni təşəbbüs irəli sürüb və bu çərçivədə danışıqlar üçün yol xəritəsi hazırlamaq niyyətlərini açıqlayıblar.
Mənbə: Reuters
