Estoniya Rusiya ilə quru sərhədini bağlayıb
16.08.2022
Estoniya ilə Rusiya Federasiyası arasında Narva-İvanqorod keçid məntəqəsində sərhəd bağlanıb.
Bunun Estoniyanın Narva şəhərində T-34 memorial tankının və digər sovet abidələrinin sökülməsi ilə əlaqədar olduğu ehtimal edilir.
"Şahidlərin sözlərinə görə, Estoniya sərhədçiləri artıq bir neçə saatdır Rusiya Federasiyasından gələn insanları, o cümlədən Estoniya sakinlərini ölkə ərazisinə buraxmırlar. Sərhədin nə vaxt açılacağı ilə bağlı hələlik məlumat yoxdur”, - deyə yayılan məlumatda bildirilir.
ERR dövlət yayım portalında qeyd edilir ki, tankın abidəsi artıq postamentdən götürülüb və Tallinə doğru hərəkət edən hərbi treylerə yüklənib.
Mənbə: MK.ru
