Medvedyev Qazaxıstanı hədələməsini təkzib edib
02.08.2022
Rusiya Təhlükəsizlik Şurasının sədr müavini Dmitri Medvedyevin Vkontakte səhifəsində dərc etdiyi sonuncu yazı Hərbi Dəniz Qüvvələri ilə bağlı olub, lakin səhifə sındırılıb, başqa yazı dərc olunub.
"DM" xəbər verir ki, bunu Medvedyevin köməkçisi Oleq Osipov deyib.
Onun sözlərinə görə, sosial şəbəkə administrasiyası bununla məşğul olacaq.
Qeyd edək ki, dünən axşam Dmitri Medvedyevin Vkontakte səhifəsində Qazaxıstan və digər ölkələri təhdid edən yazı paylaşılmışdı. Yazı bir müddət sonra silinsə də, mətbuat orqanları və sosial şəbəkə səhifələri skrin-şotları paylaşıb.
