Ursula fon der Leyen Azərbaycana gələcək
15.07.2022
Avropa Komissiyasının Prezidenti Ursula fon der Leyen və Avropa İttifaqının (Aİ) enerji məsələləri üzrə komissarı xanım Kadri Simson iyulun 18-i Azərbaycana səfər edəcək.
"DM" xəbər verir ki bu barədə Report-a Avropa Komissiyasından bildirilib.
Avropa Komissiyasının (AK) Mətbuat Xidmətindən verilən məlumata görə, səfər çərçivəsində Azərbaycan Prezidenti İlham Əliyev, Azərbaycanın energetika naziri Pərviz Şahbazov və SOCAR Prezidenti vəzifəsini icra edən Rövşən Nəcəflə görüşlər panlaşdırılıb.
"Növbəti həftə baş tutacaq səfər zamanı Avropa İttifaqı (Aİ) və Azərbaycan Aİ-yə, xüsusilə də Cənub-Şərqi Avropaya təbii qaz tədarükünün şaxələndirilməsində Cənub Qaz Dəhlizinin rolunu yüksəltmək məqsədilə enerji sahəsində strateji tərəfdaşlığı möhkəmləndirməyə çalışacaq" - məlumatda deyilir.
