Rusiya Aİ-dən Kalininqrada tranzitin dərhal bərpasını tələb edib
21.06.2022
İyunun 21-də Avropa İttifaqının Moskvadakı nümayəndəliyinin rəhbəri Markus Ederer Rusiya Xarici İşlər Nazirliyinə çağırılıb.
Bu barədə Rusiya Xarici İşlər Nazirliyinin yaydığı məlumatda bildirilib.
Qeyd olunub ki, Kalininqrad vilayəti ilə Rusiya Federasiyasının qalan əraziləri arasında yük tranzitinə birtərəfli anti-Rusiya məhdudiyyətlərinin tətbiq olunması ilə əlaqədar Avropa İttifaqının nümayəndəsinə kəskin etiraz edilib. Avropa İttifaqının müvafiq hüquqi və siyasi öhdəliklərini pozan və gərginliyin artmasına səbəb olan bu cür hərəkətlərin yolverilməzliyi diqqətə çatdırılıb. Kalininqrada tranzitinin dərhal normal fəaliyyətinin bərpasını tələb olunub. Əks halda cavab tədbirləri görüləcəyi bildirilib.
