İyunun 14-ü “Son zəng”dir, tədbirin hansı qaydada keçiriləcəyi açıqlanıb
09.06.2022
Ümumi təhsil müəssisələrində "Son zəng” tədbiri iyunun 14-də keçiriləcək.
"DM" xəbər verir ki, bununla bağlı təhsil naziri Emin Əmrullayev müvafiq əmr imzalayıb.
Əmrə əsasən, "Son zəng” tədbiri hər bir ümumi təhsil müəssisəsinin həyətyanı sahəsində, həyətyanı sahəsi olmayan ümumi təhsil müəssisələrinin idman və ya akt zallarında təşkil olunacaq.
"Son zəng” tədbirində valideyn komitələri, valideyn-müəllim assosiasiyaları və ictimaiyyətin nümayəndələri iştirak edə bilər. "Son zəng” müddətində şagirdlərin təhlükəsizliyinin təmin olunması istiqamətində zəruri tədbirlər görüləcək.
