BMT-də Ukraynadakı seksual zorakılıq halları müzakirə ediləcək
06.06.2022
Bu gün, iyunun 6-da BMT Təhlükəsizlik Şurası Ukraynadakı vəziyyətlə bağlı iclas keçirəcək.
Bu barədə məlumat BMT-nin saytında dərc edilib.
Qeyd olunur ki, iclasda əsas diqqət Ukraynadakı müharibədə baş verən seksual zorakılıq hallarına ayrılacaq.
BMT-nin iclasında Münaqişələrdə Seksual Zorakılıq üzrə Xüsusi Nümayəndə Pramilla Patteninin, həmçinin Ukrayna və ABŞ vətəndaş cəmiyyətinin nümayəndələrinin çıxışları planlaşdırılır.
Təhlükəsizlik Şurasının iclasında Avropa Şurasının rəhbəri Şarl Mişelin də iştirakı gözlənilir.
Mənbə: Nv.ua
