Bayden Putinə bunu hədiyyə edib
20.05.2022
Xatırlayırsınızsa, keçən il Putin Cenevrədə Baydenlə görüşmüşdü. Bayden Putini Ukraynaya hücum edəcəyi təqdirdə Rusiyanı ən güclü sanksiyalarla məhv etməklə təhdid etdi. Putin də bütün bunları eşitdi, Moskvaya qayıtdıqdan sonra Baydenin sözlərini uyğun adamlara çatdırdı. Beləliklə, Moskva hazırlaşmağa başladı. Hazırda ABŞ-ın ağılsızlığı bilinir.
"DM" xəbər verir ki, bu sözləri ABŞ dəniz piyadalarının kəşfiyyat xidmətinin keçmiş əməkdaşı, hərbi analitik Skott Ritter deyib.
"SSRİ-nin dağıldığı 90-cı illərdə Rusiya Qərb iqtisadiyyatına çox güclü şəkildə bağlanmış oldu. Rusiya iqtisadiyyatının 20-25 faizi Qərbə bağlı idi. Əgər Putin Qərblə münasibətlərin pozulduğunu desəydi, seçicilərin dəstəyini itirərdi, axı bu siyasi qrup da işsiz oturmur.
Bayden planlarını ağzından qaçırtdı, sonunda dediyi kimi etdi, Rusiyanı Qərb iqtisadiyyatından ayırmaqla ona bir lütf etmiş oldu. Əgər Putin özü buna getsəydi, insanlar küçələrə çıxacaqdı, iğtişaşlar başlayacaqdı, Putin vəzifəsindən məhrum olacaqdı. Onun edə bilmədiyini ABŞ etdi. Putinin Qərbə son sözləri belə oldu: "Çox sağ olun, nəhayət, biz sizdən ayrıldıq. Görüşənədək. Bir daha Qərb iqtisadiyyatına milli təhlükəsizliyimizin şərtlərini bizə diktə etməyə imkan verməyəcəyik. Bu, tam və dönməz ayrılıqdır. Sağlıqla qalın”, - o qeyd edib.
