Bu gün Xalq artisti Səid Rüstəmovun doğum günüdür
12.05.2022
Bu gün Xalq artisti, bəstəkar və pedaqoq Səid Rüstəmovun doğum günüdür.
"DM" xəbər verir ki, o, 12 may 1907-ci il tarixində İrəvanda dünyaya göz açıb.
Qeyd edək ki, S.Rüstəmov "Beş manatlıq gəlin”, "Durna”, "Rəisin arvadı” musiqili komediyalarının və bir çox mahnıların ("Oxu tar”, "Qurban adına”, "Həkim qız”, "Oxu, gözəl” və s.) müəllifidir.
S.Rüstəmov Azərbaycan Xalq Çalğı Alətləri Orkestrinin bədii rəhbəri və dirijoru olub. Musiqi məktəbləri üçün dərs vəsaitləri yazıb.
O, 10 iyun 1983-cü ildə Bakıda vəfat edib və Birinci Fəxri xiyabanda dəfn olunub.
