“NORM” ASC-nin rəhbər heyəti “Heydər zirvəsi”nə yürüş təşkil edib - FOTO
11.05.2022
"Norm” ASC-nin rəhbər heyəti 10 may tarixində, ümummilli lider Heydər Əliyevin anadan olmasının 99-cu ildönümü münasibətilə Şahdağ Milli Parkında, dəniz səviyyəsindən 3751 metr yüksəklikdə yerləşən "Heydər zirvəsi” istiqamətində yürüş təşkil edib.
Yürüş 8 nəfərdən ibarət heyət tərəfindən əvvəlcədən müəyyənləşdirilmiş marşrut üzrə mütəşəkkil qaydada və təhlükəsizlik qaydaları çərçivəsində həyata keçirilib.
Çətin relyefə, mürəkkəb keçidlərə və əlverişsiz hava şəraitinə baxmayaraq, "Norm” əməkdaşları "Heydər zirvəsi”nə qalxmağı bacarıb və burada Azərbaycan Respublikasının Dövlət Bayrağını dalğalandıraraq müstəqil Azərbaycanın qurucusunun əziz xatirəsini ehtiramla yad ediblər.
