“Azovstal”da qanlı döyüşlər: Hərbçilərlə əlaqə kəsilib
04.05.2022
Mariupoldakı "Azovstal” zavodunun ərazisindəki Ukrayna hərbçiləri bu gün şəhər meri ilə əlaqə saxlamayıb.
"DM" xəbər verir ki, bu barədə Mariupol meri Vadim Boyçenko bildirib.
"Təəssüf ki, bu gün hərbçilərimizlə əlaqə kəsilib. Nə baş verdiyini bilmirik. Onlar üçün təhlükə varmı, yoxsa yox, bu barədə məlumatımız yoxdur. Başqa heç bir şərh verə bilmirəm”,- Boyçenko qeyd edib.
Ukrayna mətbuatının məlumatına görə, rus hərbçilər artıq "Azovstal”ın içərilərinə daxil ola biliblər. Zavodda qanlı döyüşlərin getdiyi bildirilir.
Qeyd edək ki, artıq iki gündür Rusiya ordusu "Azovstal” ərazisinə aramsız hücumlar edir.
Facebook