ABŞ Polşada yeni raket bazasının sınağına başlayacaq
15.04.2022
ABŞ-ın Polşanın Redzikovo şəhərindəki raket əleyhinə bazasının sınaqlarına yaxın günlərdə başlanacaq.
Bu barədə "Rzeczpospolita” nəşri məlumat yayıb.
Nəşrin məlumatına görə, Redzikovodakı bazanın inşasına ABŞ 850 milyon dollar xərcləyib.
ABŞ Raketdən Müdafiə Agentliyinin rəhbəri Con Hill də yaxın günlərdə bazanın sınaqlarına başlayacaqlarını təsdiqləyib:
"Dəqiq planımız və çox aydın qrafikimiz var. Artıq bütün avadanlıqları quraşdırmışıq. Bütün sistem komponentləri artıq yerindədir”.
Baza radarlar və 24 ədəd RIM-161 Standard Missile 3 Block IIA raketləri ilə təchiz olunub.
