İtaliya Rusiyanın rubl tələbindən imtina edib
15.04.2022
İtaliya Rusiya qazının tədarük haqqını rublla ödəyə bilməz, çünki bu, Avropa sanksiyalarından yayınmaq deməkdir.
Bunu İtaliyanın xarici işlər naziri Luici Di Mayo deyib.
"Biz rublla ödəyə bilmərik. Rusiya avrodan rubla ikiqat hesablaşma sxemi tətbiq edib, bu, mümkün deyil. Çünki bu, sanksiyalardan yan keçmək deməkdir”, - o bildirib.
Di Mayo əlavə edib ki, texniki baxımdan Rusiya özünə qarşı embarqo qoyur.
Nazir digər ölkələrdən yeni qaz təchizatçısı axtardıqlarını da vurğulayıb.
