Mirzoyan Ceyhun Bayramovla telefon söhbətindən danışdı
13.04.2022
Ermənistanın xarici işlər naziri Ararat Mirzoyan Azərbaycan XİN rəhbəri Ceyhun Bayramovla telefon danışığını şərh edib.
Bu barədə A.Mirzoyan Ermənistan parlamentində çıxışı zamanı bildirib.
Onun sözlərinə görə, telefon danışığı Azərbaycan tərəfinin təşəbbüsü ilə baş tutub.
"Ötən il ərzində müzakirə edilən məsələləri, həmçinin iki ölkə liderlərinin Brüssel görüşündə qeydə alınmış məqamları müzakirə etdik. Xüsusilə, sərhədlərin delimitasiyası və təhlükəsizliyi üzrə işçi qrupunun yaradılması mexanizmlərini müzakirə etdik”, - deyə A.Mirzoyan qeyd edib.
Mənbə: Sputnik Ermənistan
