Azərbaycan və Almaniya arasında qarşılıqlı ticarətin artacağı gözlənilir
12.04.2022
Alman-Azərbaycan Ticarət Palatası (AHK Azerbaijan) yaxın illərdə Azərbaycan və Almaniya arasında qarşılıqlı ticarətin artacağını gözləyir.
Bu barədə palatadan "Azərbaycan İqtisadiyyatı” "Telegram” kanalına məlumat verilib.
"AHK Azerbaijan” qeyd edib ki, son vaxtlar Azərbaycandan Almaniyaya ixracda ciddi artım müşahidə olunur.
Almaniya tərəfinin məlumatına görə, 2022-ci ilin yanvarında iki ölkə arasında ticarət dövriyyəsi 100,6 milyon avro olub. Azərbaycandan Almaniyaya ixrac 72,4 milyon avro (il ərzində 19,5 dəfə artım), idxal 28,2 milyon avro (15 % artım) olub.
