Azərbaycanlı ifaçı qızıl medal qazandı - Berlində
06.09.2018
Azərbaycanın gənc istedadlı ifaçısı Berlində beynəlxalq müsabiqədə qızıl medal qazanıb.
Əməkdar artist, gənc istedadlı skripkaçı, Prezident təqaüdçüsü Elvin Xoca Qəniyev Berlində keçirilən beynəlxalq musiqi müsabiqəsində qızıl medal qazanıb.
Münsiflər heyətində ABŞ, Fransa, Çexiya, İtaliya, Rusiya, Almaniya, Norveç və Polşadan olan dünyanın 13 məşhur musiqiçinin yer aldığı müsabiqədə dünyanın hər yerindən 18-35 yaşarası skripkaçılar iştirak ediblər.
Münsiflər heyəti nəticələri elan edərkən Elvinin gözəl musiqi duyumunu, ifa tərzindəki parlaq texnika və əsərlərin xüsusi intepretasiyasını qeyd ediblər. Onlar azərbaycanlı gənc musiqiçiyə uğurlar arzulayaraq, onun dünya karyerasına artıq hazır olduğuna əminliklərini bildiriblər.
