Ukrayna-Rusiya danışıqlarının dördüncü raundu başlayıb
14.03.2022
Bu gün saat 10.30-da (Bakı vaxtı ilə 12:30-da) Rusiya ilə videobağlantı vasitəsilə danışıqlar başlayıb.
Bu barədə Ukraynanın Prezident Aparatı rəhbərinin müşaviri Mixail Podolyak özünün "Twitter” hesabında məlumat verib.
Danışıqlarda atəşkəs, Rusiyanın bütün qoşunlarının Ukraynadan çıxarılması və təhlükəsizlik təminatı məsələləri qaldırılacaq.
"Ağır müzakirələrdir. Rusiya aqressiv hərəkətlərinin mənasızlığını dərk etsə də, yenə də özünü aldadır ki, Ukraynanın mülki şəhərlərinə qarşı 19 günlük zorakılıq düzgün strategiyadır”, - deyə Podolyak yazıb.
