Terrorçu: Onlar Ərdoğanı öldürmək istəyirlər
04.09.2018
Venesuelalı terrorçu, Fələstin Qurtuluş Cəbhəsində yəhudilərə qarşı vuruşan İliç Ramirez Sançez (Çaqqal Karlos) növbəti dəfə inanılmaz iddialar irəli sürüb.
"Dövran Media" xəbər verir ki, Çaqqal Karlos Türkiyə lideri Rəcəb Tayyib Ərdoğanın imperialistlərin hədəfində olduğunu bildirib.
"İmperialistlər hazırda Ərdoğanı aradan götürmək istəyir. Onlar məqsədlərini həyata keçirmək üçün yeganə yol kimi Ərdoğanı öldürməkdə görürlər. Bunu sınaqdan keçirəcəklər. Ərdoğan çox diqqətli olmalıdır”, - deyə Sançez bildirib.
Qeyd edək ki, 2007-ci ildən bəri həbsdə olan Sançez solçu görüşlərə sahibdir. O, ötən əsrin 80-ci illərində bir sıra Avropa ölkələrində törətdiyi teraktlarla məşhurluq qazanmışdı.
