ABŞ-ın daha 2 kanalı Rusiyadan yayımını dayandırdı
05.03.2022
ABŞ-ın "CBS Nyus” və "ABC Nyus” telekanalları Rusiyadan yayımını dayandırıb.
Bu barədə teleşirkətlərin nümayəndələri bildirib.
"CBS Nyus” hazırda Rusiyadan xəbər yayımı etmir. Biz hadisələri KİV üçün yeni qanunlar əsasında izləyirik”, - məlumatda vurğulanıb.
"Rusiyada senzura haqqında yeni qanuna əsasən qərbin informasiya şəbəkələri bu ölkədən yayımı dayandırıb. Onlardan biri də "ABC Nyus” telekanalıdır”, - ABC-dən bildirilib.
Qeyd edək ki, bir müddət əvvəl ABŞ-ın CNN teleşirkəti və "Blumberq” agentliyinin jurnalistləri də Rusiyadan yayımı dayandırdıqlarını bəyan ediblər.
