NATO Gürcüstanla Rusiyanın təhdidlərini müzakirə edib
17.02.2022
Gürcüstanın müdafiə naziri Cuanşer Burçuladze Brüsseldə NATO Baş katibi Yens Stoltenberqlə görüşüb.
Bu barədə Gürcüstan Müdafiə Nazirliyi (MN) məlumat yayıb.
Bildirilib ki, NATO müdafiə nazirlərinin iclası çərçivəsində baş tutan görüş zamanı tərəflər ortaq təhlükəsizlik çağırışları və Rusiyanın yaratdığı təhdidləri müzakirə ediblər.
Burçuladze artan təhlükəsizlik çağırışları fonunda NATO-nun regionda daha çox iştirakının önəmini vurğulayıb.
Görüşdə NATO-Gürcüstan əməkdaşlığının dərinləşdirilməsinin perspektivləri və Gürcüstan MN tərəfindən NATO standartlarına uyğunluq məqsədi ilə həyata keçirilən islahatlar müzakirə edilib.
Söhbət zamanı yazda keçiriləcək üçüncü NATO-Gürcüstan birgə beynəlxalq hərbi təlimlərinə də diqqət yönəldilib.
