İstanbulda Dron Çempionatı
31.08.2018
Sentyabrın 20-dən 23-dək İstanbulda Dünya Dron Çempionatı təşkil olunacaq.
Anadolu Agentliyi xəbər verir ki, İstanbulun yeni hava limanında keçiriləcək tədbirdə dünyanın ən sürətli dronları yarışacaq.
Türkiyənin ilk aviasiya, kosmos və texnika festivalı sayılan "Teknofest İstanbul” çərçivəsində təşkil olunacaq yarışda 25-dən çox ölkəni 64 idmançı təmsil edəcək.
Dünyada ilk dəfə ən çox ölkənin təmsil olunacağı bu dron yarışında qurğuların saatda 250 kilometr sürətlə hərəkət edəcəyi gözlənilir.
