Daha bir nazir federasiya prezidenti seçildi
09.02.2022
Azərbaycan Boks Federasiyasında (ABF) hesabat-seçki konfransı keçirilib.
"DM" xəbər verir ki, tədbir Gənclər və İdman Naziriliyinin inzibati binasında baş tutub.
Əmək və əhalinin sosial müdafiəsi naziri Sahil Babayev federasiyanın prezidenti seçilib. O, fövqəladə hallar naziri general-polkovnik Kəmaləddin Heydərovu əvəzləyib.
K.Heydərov 2021-ci il dekabrın 30-da Azərbaycan Taekvondo Federasiyasının prezidenti vəzifəsinə yenidən seçildiyi üçün ikinci federasiyadakı postundan istefa verməli olub.
Qeyd edək ki, ABF-yə 2009-cu il yanvarın 23-dən Kəmaləddin Heydərov, daha əvvəl isə Ağacan Abiyev rəhbərlik edib.
