XİN Holokostla bağlı paylaşım etdi
27.01.2022
Azərbaycan Xarici İşlər Nazirliyi (XİN) Holokost Qurbanlarının Anım Günü ilə bağlı paylaşım edib.
"Devran Media"-nın məlumatına görə, bu barədə XİN-in "Twitter” hesabında məlumat verilib.
"Bu gün zəmanəmizin ən dəhşətli cinayətlərindən biri olan Holokostun anım günüdür. Bu gün biz nifrət, soyqırımı, insanlığa qarşı cinayətlər, irqçilik və ksenofobiyanı xatırlayırıq və onlara qarşı birlikdəyik”, - deyə paylaşımda bildirilib.
BMT Baş Assambleyası tərəfindən 2005-ci il noyabrın 1-də qəbul olunmuş müvafiq qətnaməyə əsasən hər il yanvarın 27-si Beynəlxalq Holokost Qurbanlarının Anım Günü kimi qeyd edilir.
